Burime zyrtare pranë prefekturës së Korçës bëjnë të ditur se për shkak të stuhisë ka patur probleme me energjinë elektrike në fshatrat e njësive administrative Vithkuq të bashkisë së Korçës, fshati Potgozhan në bashkinë e Pogradecit, nënstacioni elektrik i qytetit të Ersekës e po ashtu nënstacioni i Leskovikut paraqet probleme
Janë rreth 800 familje të cilat kanë ngelur pa energji elektrike në këto zona, ndërsa grupet e punës të OSSHE janë në terren duke punuar për rikthimin e energjisë elektrike
Për shkak të reshjeve, probleme ka patur në Borovë të Ersekës ku rruga qe te çon drejt Leskovikut ka qenë e bllokuar për disa momente për shkak të inerteve në rrugë ndërsa në fshatin Taç dhe Psar prurjet e lumit kanë shkuar deri në oborrin e disa banesave
Të gjitha ndërmarrjet e shërbimeve të bashkive të juglindjes janë duke punuar për të mbajtur situatën në kontroll, në veçanti në zonat malore aty ku dhe situatat në rrugët rurale janë më të rënda
