Në kuadër të programit të rehabilitimit dhe ri-integrimit, IEVP Pojske, në bashkëpunim me komunitetin fetar të SHKBSH-së, organizoi sot shfaqjen e dramës “Rrëfimet e Gjonit”, interpretuar nga aktori Muzafer Etemi. Ky aktivitet u mirëprit me entuziazëm nga të pranishmet dhe pati një ndikim të dukshëm pozitiv, duke kontribuar në forcimin e ndjenjës së bashkëpunimit dhe solidaritetit mes grave të burgosura, si dhe në ofrimin e një alternative kulturore dhe shpirtërore që nxit reflektimin dhe shpresën për të ardhmen.
IEVP Pojske shpreh mirënjohje të veçantë për bashkëpunimin me komunitetin fetar të SHKBSH-së dhe falënderon aktorin Muzafer Etemi, Drejtorin e Shif Center Tetovë, z. Grigor Menga, si dhe të gjithë pjesëmarrësit në dramë për interpretimin e tyre të shkëlqyer dhe mesazhin e fuqishëm që përcollën.
