Pedonale
Në pedonalen e qytetit të Korçës nuk do ketë më biznese që do të operojnë jashtë me tenda apo çadra, kështu thotë njoftimi i ri nga kryetari i bashkisë Korçë, Sotiraq Filo (në këtë rast nuk e fajësoj, është urdhër i të kryeministrit)
Jam i bindur që për këtë urdhër të ri njeriu që projektoi pedonalen aq të suksesshme ndihet keq, e cila fillimisht u kundërshtua nga bizneset ndërsa u kthye në polin kryesor të qytetit.
Ne pedonale hapësira publike është aq e bollshme sa jo veç njerëzit lëvizin lirshëm por e fëmijët mbasdite luajnë futboll. Aq e bollshme sa bashkia ka një muaj që ka vendosur një ekspozitë me struktura metalike. E bollshme mjaftueshëm sa për të larguar fjalinë se “cenohet hapësira publike”
Nga data 2 Gusht do kemi kamariere që do largohen nga puna, biznese që mbyllen dhe me siguri një zbehje të rëndësisë së pedonales. Kështu mendoj unë modestisht. Nganjëherë, atij të gjatit dikush duhet t’i thotë se Korça nuk është Tiranë e as Vlorë, këtu tek ne nuk del dikush të zaptojë pedonalen. Se kush ka zaptuar çfarë, të gjithë sytë në ballë i kemi. Edhe pse fuqinë e kemi të vogël ta themi…
