Dje, i vodhi varësen e floririt, një 82-vjeçareje, kapet dhe vihet në pranga 41-vjeçari.
I arrestuari posedonte një sasi kokaine dhe një përforcues grushti.
Specialistët e Sektorit të Narkotikëve kapën dhe arrestuan në flagrancë shtetasin E. R., 41 vjeç, banues në Korçë. Nga hetimet dyshohet se ky shtetas, dje, në lagjen nr.12, i ka vjedhur një 82-vjeçareje, varësen e floririt që mbante në qafë. Gjatë kontrollit fizik dhe kontrollit në banesë, atij iu gjetën një sasi lënde e dyshuar narkotike kokainë dhe një përforcues grushti, të cilat u sekuestruan në cilësinë e provës materiale.
–
Shërbimet e Komisariatit të Policisë Pogradec ndaluan shtetasin A. S., 39 vjeç, banues në fshatin Osnat, pasi Gjykata e ka dënuar me 2 muaj burgim, për veprën penale “Vjedhja”.
Oficeri i Policisë Gjyqësore arrestoi në flagrancë shtetasin K. D., 27 vjeç, banues në Korçë, pasi në aksin “Qafë Plloçë-Qukës”, nuk i është bindur urdhrit të punonjësit të Policisë Rrugore, për të ndaluar automjetin.
Shërbimet e Komisariatit të Policsë Maliq referuan materialet në Prokurori dhe shpallën në kërkim shtetasin O. A., 34 vjeç, banues në Maliq, pasi dyshohet se gjatë një konflikti për motive të dobëta, ka goditur me sende të forta një 59-vjeçar.
Në Komisariatin e Policisë Pogradec ka kallëzuar shtetasja D. M., 53 vjeçe, se më datë 17.09.2025, është larguar nga banesa, djali i saj 15 vjeç. Po punohet për gjetjen e tij.
Maliq/Më datë 18.09.2025, shtetasi M. C., 59 vjeç, dyshohet se ka rënë aksidentalisht nga kali dhe për pasojë është dëmtuar. Ai mori mjekim dhe është jashtë rrezikut për jetën.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
