Gjimnazi “14 Engjëjt” ka shpallur maturanten Bora Neritan Çekiçi si nxënësen më të mirë të këtij viti shkollor, bazuar në rezultatet e shkëlqyera gjatë tri viteve të gjimnazit dhe notat e larta në provimet e maturës shtetërore.
Përkushtimi, serioziteti dhe angazhimi i Borës janë vlerësuar nga mësuesit, drejtuesit e shkollës dhe komuniteti i saj. Ajo është dalluar jo vetëm në fushën akademike, por edhe në aktivitete të ndryshme edukative dhe shoqërore.
“Familja, shkolla dhe shoqëria janë krenare për suksesin e saj,” thuhet në njoftimin e shkollës.
Maturantes së dalluar i urohet suksese të mëtejshme në rrugën e dijes dhe që të gjitha ëndrrat t’i bëhen realitet.
