Plan efekt 15 sekonda nga Vladimir Ngjela kur komenton një ndeshje (video 0:57)
Njeriu që shihni duke improvizuar komentimin e një ndeshje futbolli është gazetari Vladimir Ngjela, i cili riktheu e njëherë tjetër kohën e dikurshme sesi përcillej një ndeshje nëpër valëve radiofonike
Në teatrin “Andon Zako Çajupi” të Korçës janë nderuar gazetarët, fotoreporterët dhe teknikët e sportit të cilët ndër vite i kanë shërbyer këtij profesioni.
Tonin Frroku është një nga gazetarët sportiv dhe jo vetëm të qarkut të Korçës, ku për gjysmë shekulli i ka dedikuar jetën ngjarjeve në tapetin e gjelbër, parketin e basketbollit, sportin e rrjetës së volejbollit e shumë të tjera. Në fjalën e tij për publikun, ai tregon se gazetaria e dikurshme ishte shumë më e vështirë sesa e sotmja e për këtë, nderi që i bëhet aktorëve të sportit në juglindje është tërësisht i merituar
Një mbrëmje e organizuar nga Këshilli i Qarkut të Korçës i cili riktheu e njëherë tjetër kohën e lavdishme të sportit korçar dhe atyre që e kanë përcjellë tek publiku, me qëllimin për të mos harruar askënd, thotë kryetari Petrika Tollkuci
Në këtë mbrëmje mirënjohjeje dhe nderi u vlerësuan edhe gazetarët e rinj sportiv të qarkut të Korçës ndërsa evenimente të tilla rikthejnë në kujtime njerëzit e punës që bënë gjithçka që sporti korçar të ishte në lartësinë e duhur mediatike
