Panik në fshatin Tërovë të Maliqit, ku një zjarr i madh ka përfshirë magazinën e një 78-vjeçari. Ngjarja ka ndodhur më datë 1 shtator 2025 dhe ka alarmuar banorët e zonës.
Sipas informacioneve zyrtare nga policia, flakët kanë rënë në pronën e shtetasit P. B., 78 vjeç, ndërsa dyshohet se zjarri është shkaktuar aksidentalisht nga nipi i tij i mitur.
Zjarrfikësit u angazhuan për neutralizimin e flakëve, ndërkohë që grupi hetimor po punon për të përcaktuar shkaqet e plota të ngjarjes.
Materialet procedurale janë referuar në Prokurorinë pranë Gjykatës së Shkallës së Parë të Juridiksionit të Përgjithshëm Korçë për veprime të mëtejshme.
