Një automjet është përfshirë nga flakët mëngjesin e sotëm në fshatin Podgorie të Korçës. Ngjarja ka shkaktuar panik te banorët e zonës, ndërsa makina është dëmtuar pjesërisht.
Sipas burimeve policore, zjarri ka rënë në automjetin e shtetasit B. Ç., 46 vjeç. Dyshohet se flakët kanë rënë aksidentalisht, ndërsa grupi hetimor po punon për zbardhjen e plotë të shkaqeve.
Fatmirësisht nuk raportohet për persona të lënduar, por dëmet materiale janë të konsiderueshme.
Materialet procedurale janë referuar në Prokurorinë pranë Gjykatës së Shkallës së Parë të Juridiksionit të Përgjithshëm Korçë për veprime të mëtejshme.
