Kryetari i Grupit Parlamentar Poloni–Shqipëri, Bartosh Romoviç, ka zhvilluar një takim me deputetë të Kuvendit të Shqipërisë, ku u diskutua mbi ecurinë e negociatave për anëtarësimin në Bashkimin Europian dhe sfidat që vendi duhet të shmangë në këtë proces.
Romoviç theksoi se Polonia është një nga vendet që e ka kaluar relativisht së fundmi rrugën drejt integrimit europian dhe për këtë arsye përvoja e saj shërben si udhërrëfyes i vlefshëm për Shqipërinë.
> “Sa herë takohemi me parlamentarë shqiptarë, pyetja është pothuajse e njëjtë: çfarë rruge duhet të ndjekë Shqipëria për të mos përsëritur gabimet e vendeve të tjera që kanë kaluar më parë këtë proces? Ne jemi gati tëj ndajmë dijet dhe përvojën tonë”, u shpreh ai.
Ai shtoi se marrëdhëniet dypalëshe janë të rëndësishme edhe për faktin se numri i turistëve polakë në Shqipëri është në rritje të vazhdueshme, ndaj siguria dhe stabiliteti në vend janë elementë kyç.
> “Siguria e Shqipërisë nënkupton edhe sigurinë e turistëve polakë që vizitojnë vendin”, tha Romoviç.
Sipas tij, një Bashkim Europian i fortë është garanci për sigurinë globale dhe Polonia, me 38 milionë banorë, përbën një aktor të rëndësishëm në proceset e zgjerimit.
