Drejtoria Vendore e Kufirit dhe Migracionit Korçë ka referuar materialet në Prokurori, ku ka nisur procedimi penal për veprën penale “Falsifikimi i vulave, i stampave ose i formularëve”, ndaj dy shtetasve:
S. M., 60 vjeç, dhe L. I., 64 vjeç, banues në Paskuqan, Tiranë. Gjatë verifikimeve në dalje të territorit të Republikës së Shqipërisë, në Pikën e Kalimit Kufitar Kapshticë, në pasaportat e tyre u konstatuan nga një vulë e shtetit grek, të dyshuara si false.
Po ashtu, janë referuar materialet në Prokurori dhe ka nisur procedimi penal për veprën penale “Kalimi i paligjshëm i kufirit shtetëror” ndaj dy shtetasve të tjerë:
- A. R., 23 vjeç, banues në fshatin Rrajcë, Prrenjas, pasi dyshohet se ka kaluar ilegalisht kufirin nga Maqedonia e Veriut në drejtim të Shqipërisë;
- V. N., 50 vjeç, banues në fshatin Luf, Pukë, pasi dyshohet se ka kaluar ilegalisht kufirin në drejtim të Greqisë.
Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme ligjore.
