Specialistët për Hetimin e Krimeve Ekonomike dhe Financiare referuan materialet në Prokurori, ku filloi procedimi penal për shtetasin I. D., 55 vjeç, banues në fshatin Dardhë, për veprën penale “Ndërtimi i paligjshëm”.
Shërbimet e Komisariatit të Policisë Korçë referuan materialet në Prokurori, ku filloi procedimi penal për shtetasit S. G., 30 vjeç dhe M. D., 42 vjeç, të dy banues në Korçë, shokë me njëri-tjetrin, pasi dyshohet se kanë dhënë deklarime të rreme mbi rrethanat e djegies së automjetit të 30-vjeçarit, ditën e djeshme. Shërbimet e Policisë, në drejtimin e Prokurorisë, vijojnë hetimet për sqarimin dhe dokumentimin e rrethanave të këtij rasti.
Shërbimet e Komisariatit të Policisë Pogradec referuan materialet në Prokurori, ku filloi procedimi penal për shtetasin J. Q., 46 vjeç, banues në fshatin Bishnicë, pasi u kap duke transportuar një sasi lënde drusore të dyshuar të prerë në mënyrë të kundërligjshme. Lënda drusore u sekuestrua me cilësinë e provës materiale.
Në fshatin Vërnik, dyshohet se nga pakujdesia gjatë lojës, disa të mitur kanë ndezur zjarr. Si pasojë pati dëme materiale në magazinën e shtetasit A. Sh., në këtë fshat. Punohet për dokumentimin e rrethanave të rastit.
Shtetasja N. F., 52 vjeçe, u paraqit në spitalin e Korçës, për të marrë asistencë mjekësore, sepse dyshohet se ka rënë aksidentalisht, nga shkallët e banesës. Ajo është aktualisht në kujdesin e mjekëve dhe jashtë rrezikut për jetën. Punohet për dokumentimin e rrethanave të rastit.
Materialet procedurale iu referuan Prokurorisë, për veprime të mëtejshme.
