Shërbimet e Komisariatit të Policisë Korçë kanë goditur një tjetër rast të aktivitetit të paligjshëm të basteve sportive. Në përfundim të veprimeve hetimore u arrestua në flagrancë shtetasi Gj. K., 33 vjeç, banues në Korçë, ndërsa ka nisur procedimi penal për shtetasit A. B., 58 vjeç dhe Th. T., 24 vjeç, po nga Korça.
Ngjarja u zbulua në një lokal në lagjen nr. 10, ku gjatë kontrollit të celularit të 33-vjeçarit, policia konstatoi faqe aktive të basteve sportive dhe komunikime me persona që i dërgonin baste. Në celularët e dy shtetasve të tjerë u gjetën gjithashtu faqe të hapura për baste.
Në cilësinë e provës materiale u sekuestruan të 3 celularët e përfshirë, ndërsa hetimet vazhdojnë për dokumentimin e plotë të aktivitetit të paligjshëm.
