Në prag të festave të fundvitit, shërbimet e Komisariatit të Policisë Kolonjë kanë intensifikuar kontrollet për ndalimin e tregtimit të kundërligjshëm të lëndëve piroteknike nga subjekte të paautorizuara.
Si rezultat i këtyre kontrollimeve, u evidentuan dy markete në të cilat mbaheshin dhe shiteshin në mënyrë të paligjshme lëndë piroteknike. Pas veprimeve hetimore, materialet procedurale iu referuan Prokurorisë së Korçës, ku nisi procedimi penal kundër dy shtetaseve, pronare të këtyre subjekteve.
- T. R., 67 vjeçe, banues në Ersekë, në marketin e së cilës u gjetën 49 kuti me lëndë piroteknike (2918 kapsolla);
- Z. I., 56 vjeçe, banues në Ersekë, në marketin e së cilës u gjetën 3 kuti me lëndë piroteknike (170 kapsolla).
Në total u sekuestruan 52 kuti me 3088 kapsolla pirotechnike, të ndaluara për tregtim dhe rrezik publik, të cilat janë marrë si provë materiale.
Policia e shtetit apelon që kontrollet për parandalimin e tregtimit të paligjshëm të lëndëve piroteknike të vijojnë dhe kërkon bashkëpunimin e qytetarëve për raportim të çdo shkelje të tillë.
Kontrollet e mëtejshme janë pjesë e një plani të gjerë të Policisë së Shtetit për të parandaluar shitjen dhe përdorimin e këtyre produkteve pa leje, që paraqesin rrezik për shëndetin dhe sigurinë e qytetarëve.
