Devolli nuk ka humbur kohë për të gjetur trajnerin e ri, pas largimit të Erindi Maneshit. Bëhet me dije se juglindorët kanë arritur akordin me trajnerin korçar Vasjan Ballço, i cili pritet të marrë drejtimin e skuadrës nga dita e hënë.
Interesant është fakti se ndihmës i Ballços te skuadra nga qyteti i Bilishtit, do të jetë një tjetër korçar, Erlis Frashëri, që duket se e ka mbyllur me futbollin e luajtur, pas dëmtimit të rëndë të pësuar sezonin e shkuar, teksa ishte pjesë e Besës.
Bëhet me dije se ditën e hënë do të vijë edhe edhe prezantimi i dyshes Ballço-Frashëri, te skuadra e Devollit që militon në Grupin B të Kategorisë së Dytë.
