Një 45-vjeçar nga Liboniku i Maliqit është proceduar penalisht pasi, gjatë një proteste para Bashkisë Maliq, ka kanosur dhe fyer katër gazetarë.
Sipas Policisë, shtetasi A. A. po protestonte kundër shkrirjes së Bashkisë Maliq, kur ka kanosur dhe fyer gazetarët Xh. Sh., A. B., I. R. dhe S. Xh., të cilët ndodheshin në protestë për të pasqyruar zhvillimet për mediat ku punojnë.
Materialet procedurale i janë referuar Prokurorisë së Korçës për veprime të mëtejshme. 45-vjeçari akuzohet për veprat penale “Kanosja për shkak të detyrës” dhe “Fyerja”.
