Një kampionat Powerlifting është zhvilluar këtë të diel në ambientet e parkut Rinia në Korçë. Pjesëmarrës kanë qenë 15 të rinj të moshave nga 15 deri në 23 vjeç, të cilët, të ndarë në tre kategori sipas peshës trupore, testuan aftësitë e tyre në tre disiplina të ngritjes së peshave. Organizatori Milian Petro thotë se kjo është hera e tretë e organizimit të këtij kampionati, por hera e parë që një kompeticion i tillë zhvillohet jashtë dyerve të palestrës. Qëllimi është të krijohet një traditë për t’i nxitur të rinjtë të merren me sport dhe të largohen nga veset e këqija.
Në të treja disiplinat, të rinjtë kanë pasur mundësinë të kryejnë nga tre prova, të cilat janë vlerësuar nga një juri e përbërë nga sportistë dhe ish-sportistë, ndërsa janë ndarë edhe nga tre çmime për secilën kategori. Kampioni absolut në të treja disiplinat ka qenë Xhoni Sulollari, i cili prej shtatë vitesh merret me këtë sport dhe tashmë fitoi edhe trofeun e këtij kompeticioni.
