Shfaqja humoristike “Ja ke idenë o?”, me aktorët Kejdi Gishto, Juxhin Plovishti, Silvio Goskova dhe Franci Bregu, ka rezultuar një sukses i jashtëzakonshëm në qytetin e Korçës. Pa nisur ende nata e parë, janë shitur të gjitha biletat për katër netët e para, duke dëshmuar interesin e madh të publikut për këtë komedi plot të qeshura dhe situata të pazakonta.
Suksesi nuk është ndalur vetëm në Korçë. Edhe në Pogradec, biletat për shfaqjen janë drejt fundit, duke treguar se kjo trupë e re humori po fiton shpejt zemrat e publikut në mbarë juglindjen.
Te pyetur, aktorët janë shprehur se nuk prisnin këtë mbështetje të gjërë ende pa nisur shfaqja, e kjo i bën më entuziaste e përgjegjës për të dhënë maksimumin
Për shkak të kërkesës së madhe, aktorët kanë vendosur të shtojnë tre netë të reja në teatrin “Andon Zako Çajupi” në Korçë, konkretisht më datat 25, 26 dhe 27 maj. Publiku i apasionuar pas humorit të zgjuar dhe interpretimit të natyrshëm të aktorëve pritet të mbushë sërish sallën e teatrit, duke e kthyer këtë shfaqje në një ndër ngjarjet më të suksesshme kulturore të sezonit.
Shfaqja nis në datën 18 Maj në teatrin e Korçës
