Irfan Hysenbelliu, Erion Veliaj dhe Edi Rama – të tre këta e kanë një të përbashkët, dashurinë për njëri tjetrin deri sa diçka i ndau…
Irfani e donte Ramën sepse Rama i jepte me pikatore ndonjë ndërtim, pastaj ndonjë tender e pastaj diçka këtu e diçka aty. Deri në një moment ishin në rregull, por Taulant Balla “ndërhyri” ne dashurinë e madhe që u bë shkrumb e hi
Irfanit i duhej një tjetër “dashnor” me fuqi dhe për këtë vendosi “marrëdhënien” me Erion Veliajn. Ky i fundit dilte sekondë e minutë në ekranin e News 24. Madje ky televizion “opozitar” dinte të bënte lajme që binin ndesh me propagandën e qeverisë por asnjëherë në kryeqytet. Aty gjërat shkonin mirë. “Dashnori” ishte siguria absolute. Deri sa një ditë “dashnori” u kap “me presh në dorë” dhe shkoi në burg.
Irfani kuptoi që ngeli “PA DASHNOR” – dhe duhet të rikthehej tek dashuria e vjetër, tek ai që tavolinën e donte me verë të bardhë dhe premtonte ndërtimin në lagjet kryesore të Tiranës, kur universitetetin “Luarasi” e mbante në pëllëmbë të dorës.
Por mesa duket, dashuritë paskan një fund. Dhe “dashnori i vjetër” i ngopur me pushtet, para, servilizma nuk pranoi lepirjen e radhës. Por shkoi dhe çoi policët me vendim gjykate për të ndaluar transmetimin e News24, një televizion që për hir të së vërtetës ka nxjerrë emra të suksesshëm të gazetarisë. Anila Jole, Klodiana Lala, Klevin Muka, Ola Bruko, korrespondentët e rretheve janë ata që do e pësojnë nga “hilet” e pronarit
Sepse pronari ka lek, gazetarët jo. Pronari bën marrëveshje, gazetarët jo. Pronari di të pije verën e bardhë 2600 euro të servirur nga kamarieri turk që mburrej pronari në sytë e Rames, gazetarët jo.
E ne fakt, humbjen me të madhe nuk e ka Irfani, që dashnor gjen prap, por gazetarët jo
