Erseka po përgatitet të shkruajë një faqe të re në historinë e saj sportive. Ditën e sotme është zyrtarizuar blerja e ekipit të futbollit “Gramoz” nga një grup investitorësh italianë, të cilët kanë shprehur ambicien për ta kthyer klubin në një qendër të rëndësishme të futbollit shqiptar.
Njëri prej investitorëve, Gerardo Masucci, është shprehur se projekti është ambicioz dhe synon ta çojë ekipin e Gramozit në kategoritë më të larta të futbollit në vend.
Sinkron
“Projekti për këtë skuadër është ta rritim në resurse, investime dhe njerëz. Do të sjellim lojtarë të huaj dhe duam ta çojmë në kategorinë superiore. E sigurte deri tani është që Gramozi do të luajë një ndeshje bamirësie me Napolin dhe synojmë ta sjellim skuadrën e rëndësishme italiane në Ersekë ”
Nga ana tjetër, Kryetari i Bashkisë Kolonjë, Erion Isai, e ka konsideruar këtë një mundësi të artë për qytetin e Ersekës. Ai ka bërë me dije se paralelisht me zhvillimin e ekipit, do të nisë edhe ndërtimi i një kompleksi sportiv modern, ku pritet të stërviten ekipe të njohura shqiptare, duke e kthyer Ersekën në një destinacion të rëndësishëm sportiv.
Erion Isai
“E shoh si zhvillim ekonomik dhe të një investimi çka sporti sjell si kontribut si shëndet. Gerardo ishte kërkim dhe veteofrim, për të parë një investim ku ekonomia, turizmi I sjelljes së ekipeve apo akademive është hap i parë. Do shohim ndertimim e një hoteli më gjithë facilitetet që ekipet duan dhe kushtet stërvitore, ngritjen e ekipeve të moshave ”
Në muajin Tetor pritet dhe vizita e kreut të FSHF në Ersekë për të lajmëruar një investim të rëndësishëm për fushat sportive, një investim i përbashkët i bashkisë dhe institucioni më të lartë të futbollit në Shqipëri
