Drejtoria Vendore e Policisë Korçë ka vijuar kontrollet intensive në të gjithë territorin e qarkut, me qëllim evidentimin dhe goditjen e veprimtarisë së paligjshme të lojërave të fatit. Si rezultat i këtyre veprimeve, brenda pak ditëve janë goditur 2 raste të tjera, në vijim të operacionit policor të koduar “Qarku”, i zhvilluar 4 ditë më parë.
Gjatë kontrolleve të kryera në lagjen nr. 8 të qytetit të Korçës, shërbimet e Policisë kanë zbuluar dy lokale ku organizoheshin lojëra fati në kundërshtim me ligjin.
Në vijim të veprimeve procedurale:
- U arrestua në flagrancë shtetasi L. Dh., 32 vjeç, banues në Korçë, pronar i njërit prej lokaleve, për veprat penale:
- “Organizimi ose ushtrimi i veprimtarive të lojërave të fatit në kundërshtim me ligjin”;
- “Vënia në dispozicion e lokaleve për lojëra fati”;
- “Punësimi i paligjshëm”.
- Nisi procedimi në gjendje të lirë për shtetasin M. S., 26 vjeç, banues në Korçë, i punësuar në mënyrë të paligjshme në këtë lokal. Gjatë kontrollit të celularit të tij u gjetën faqe aktive për baste sportive.
- U procedua penalisht shtetasi H. L., 30 vjeç, banues në Korçë, pasi në ambientet e lokalit ku ndodhej, gjatë këqyrjes së celularit të tij u konstatuan po ashtu faqe aktive për baste sportive.
Në cilësinë e provës materiale, Policia sekuestroi 3 celularë.
Materialet procedurale i janë referuar Prokurorisë së Korçës për veprime të mëtejshme.
