Prej tre ditësh një zjarr masiv ka përfshirë një sipërfaqe të konsiderueshme në Parkun Kombëtar të Prespës, duke shkaktuar dëme në zonat me bimësi dhe duke vështirësuar ndërhyrjen për shuarjen e tij. Sipas Prefektit të Qarkut Korçë, Nertil Jole, në terren janë angazhuar një numër i madh forcash zjarrfikëse, punonjës të AdZM, efektivë të Forcave të Armatosura dhe vullnetarë.
Sinkron
Nertil Jole
“Në total janë rreth 150 forca të angazhuara, në të katra rastet që ka patur qarku jonë ka patur të angazhuar mbi 1000 forca e mbi 100 mjete, kjo ka bërë të mundur që të kemi aktiv vetëm këtë rast, besoj se falë favorizimit të uljes të temperaturave ta evitojmë sa me shpejt. Përllogaritet rreth 6-7 hektarë të bimësisë prekur, besoj Brenda dy ditëve kjo vatër neutralizohet ”
Pavarësisht përmasave të zjarrit, situata është drejt normalizimit. Autoritetet bëjnë me dije se flakët janë nën kontroll dhe në orët në vijim pritet shuarja e plotë e tyre.
Kryetari i Bashkisë Pustec, Pali Kolefski, dhe drejtori i AdZM Korçë, Gjergji Koki, thanë se terreni i thyer malor ka qenë një nga pengesat kryesore që ka ngadalësuar ndërhyrjen ndërsa dëmi është i konsiderueshëm
Pali Kolefski
“Nuk dua të dal në konkluzion por të lë të dyshosh se është keqdashje. Marr shkas nga ajo që kaluam nga viti kaluar, këtu terreni është shumë i vështirë bien gurë është dhe risk për burimet njerëzore. Ne i kemi porositur të kenë kujdes”
Gjergji Koki
“dëmi është shpejt për të bërë vlerësimin
Fatmirësisht zjarri është vetëm në bimësine e ulët, kjo patjetër sjell dëm në ekosistem. Krijimi i kordoeve ka bërë që situata të jetë më e qetë, shpresojmë të neutralizojme këto dy vatra. Vlen të theksohet se është dëm me i vogël se viti i kaluar, reagimi ka qenë i shpejtë. Edhe këtu duket qe ka qene pakujdesi. Një pakujdesi e vogël shkakton një situatë katastrofike dhe gjithë këta njerëz janë në terren e të lodhur ”
Nga ana tjetër, vatrat e zjarrit në Dishnicë, Kapshticë dhe Strelcë janë të izoluara totalisht dhe nuk janë riaktivizuar
