Krahas turizmit tradicional liqenor, në Pogradec është zhvilluar tashmë mjaft edhe turizmi malor.
I njohur ndryshe si hiking, këtë mundësi e ofron Mokra me zonat e saj, me disa destinacione mjaft interesante natyrore, historike dhe kulturore.
Në zbulim të natyrës, liqenet e Lukovës, atraksioni turistik që nuk duhet ta lini pa e vizituar.
Vitet e fundit këto liqene dhe Bishnica e bukur e cila mund të krahasohet me Dardhën e Korçës po vizitohen mjaft nga të rinjtë e zonës dhe jo vetëm, janë të shumtë turistët polakë e çekë por edhe gjermanë që ecin me mjete motorrike në këto zona.
Për Ledian Zeqollarin Drejtor i Turizmit të ndjekësh shtegun drejt liqeneve të Lukovës gjatë rrugës ka edhe disa zona të tjera ku mund të ndalesh, si Ura e Golikut apo edhe Varret Ilire të Selcës etj.
Natyrisht, apeli për të ruajtur këto zona të virgjëra, nuk është ansjëherë i tepërt. Vitet e fundit, Korça dhe Pogradeci ecjen në mal dhe guidat janë duke i aplikuar si ofertë e re turistike për të dalë disi nga turizmi tradicional i këtyre zonave.
Liqenet e Lukovës ndodhen në pjesën jug-perëndimore të Pogradecit, në kufi me Gramshin. Të dy liqenet përrallore të Lukovës kanë sipërfaqe rreth 10 ha dhe janë me origjinë akullnajore. Liqeni më i madh është 1851 m mbi nivelin e detit, ndërsa i vogli 1795 m mbi nivelin e detit.
Ata rrethohen nga një kurorë pyjesh të përzierë ahu dhe bredhi, me lartësi deri në 22 m dhe me diametër të trungut 30 cm.
Një pikë turistike shumë e bukur, me natyrë të larmishme dhe botë të egër mjaft interesante.
Duke ndjekur shtegun drejt liqeneve të Lukovës gjatë rrugës, ka përrenj që zbresin nga mali të cilat janë burime me ujë të ftohtë. Gjithashtu ka edhe disa zona të tjera ku mund të ndalesh si: Ura e Golikut, gjurmët e vjetra të rrugës “Egnatia” e shek.XVIII, apo edhe Varret Ilire të Selcës, që janë unikale në llojin e tyre dhe i përkasin shek.IV-III para Krishtit.
Liqenet me bukuri mahnitëse të Lukovës mbeten një destinacion turistik shumë tërheqës dhe njëkohësisht çlodhës për këdo që kërkon të largohet nga zhurma e qytetve dhe trafiku.
