Drejtoria Vendore e Policisë Korçë
Shërbimet e Komisariatit të Policisë Korçë arrestuan në flagrancë shtetasin E. M., 35 vjeç, banues në fshatin Bulgarec, pasi dyshohet se ka ushtruar dhunë ndaj bashkëshortes së tij, e cila u pajis me urdhër mbrojtjeje.
Gjithashtu, referuan materialet në Prokurori, ku filloi procedimi penal për shtetasit:
-R. V., 44 vjeç, banues në Korçë, pasi dyshohet se ka kanosur me fjalë një 52-vjeçar, për motive të dobëta;
-K. M., pasi u kap duke kryer punime ndërtimi, pa leje;
-E. A., 40 vjeç, dhe H. H., 33 vjeç, banues në Pogradec, pasi gjatë kontrollit në automjetin me të cilin po qarkullonin, iu gjetën 2 pako me lëndë piroteknike (fishekzjarre).
Shërbimet e Komisariatit të Policisë Maliq referuan materialet në Prokurori, ku filloi procedimi penal për shtetasin S. Z., 41 vjeç, banues në fshatin Strelcë, pasi dyshohet se ka ushtruar dhunë ndaj bashkëshortes së tij, e cila u pajis me urdhër mbrojtjeje.
Shërbimet e Komisariatit të Policisë Devoll refruan materialet në Prokurori, ku filloi procedimi penal për shtetasit N. H., 35 vjeç, dhe D. Z., 40 vjeç, banues në fshatin Vishocicë, pasi dyshohet se janë konfliktuar me njëri-tjetrin, për motive të dobëta.
Pogradec/Më datë 14.09.2025, në lagjen nr. 2, shtetasi G. L., 63 vjeç, ka humbur jetën në banesë, dyshohet për shkaqe natyrale.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Korçë,për veprime të mëtejshme.
