9 mijë e 478 vota, po kaq shtërngime duarsh për ti “mbrojtur” hallet e tyre mori Bledi Çomo, avokati nga Pogradeci i cili është mandatuar si përfaqësues i qytetit liqenor në Kuvend.
Në fakt të gjitha sondazhet e nxirrnim fitues Çomon që para datës 11 maj, çfarë duket se “trembi” edhe vetë strukturat drejtuese të PS në juglindje të vendit, e cila çuditej se si një personazh i politikës lokale të merrte kaq shumë mbështetje.
Por Çomo njihet nga të gjithë, në të gjithë juglindjen për shkak të profesionit të tij si avokat, e jo më pak njohja e tij miqësore dhe profesionale shkon përtej Pogradecit deri në kryeqytet.
Ka njohje shumë të mira edhe në fushën e artit, me shumë piktorë vendas dhe të huaj pasi realizon vazhdimisht koloni piktorësh për shkak të pasionit që ka për pikturën.
E dëgjuam shpesh ta thoshte në fushatë kryebashkiaku më i votuar në historinë e zgjedhjeve lokale në Pogradec, Ilir Xhakolli, Bledi kishte marrë angazhime politike qëkurse rrinte me pantallona të shkurtra, pra që adoleshent.
Rrugëtimin e tij e vijoji deri vonë me pozicione të ndryshme politike brenda partisë, për dy mandate më pas, u zgjodh kryetar i PS Pogradec të cilën e udhëhoqi drejt fitores së dy palë zgjedhjeve.
Në 2021 u propozua si kandidat i listës së PS në Pogradec, kur luftohej për të thyer herzin. Ishte i 8-ti në renditje, mori më shumë se 5600 vota, por nuk ja doli të merrte një mandat.
Si më i votuari në Pogradec dhe i 3-të në Qarkun e Korçës, Bledi u propozua sërish për të qenë pjesë e listës në zgjedhjet e 2025-ës. Partia dhe pogradecarët duket se ja kishin borxh për kontributin e tij dhe duhej që medoemos ta ulnin në karriken e Kuvendit.
E nga ana tjetër, Çomo iu rifut një fushate që e njihte mirë tashmë. Pa shumë bujë, make up mediatik dhe pa filtra, por ashtu i buzëqeshur dhe me qetësinë e tij, avokati ja doli të rrëmbejë pothuajse dyfishin e votave të 2021, sot në rang qarku kur ende nuk janë hapur votat e Diasporës për kandidatët, ai ka marrë 9478 vota, por projeksoni është për 12 mijë vota + me gjithë diasporën.
E duket se shqetësimi i strukurave drejtuese këtu merr kuptim, pasi Çomo mund të dalë i pari në Qarkun e Korçës më i votuari.
Çomo zhvilloi një fushatë derë më derë, duke folur me këdo dhe pa bërë premtime të tipit punësime, kontrata apo benefite të tjera. U bazua në moton “Të gjithë për një e një për të gjithë” si premtim që i jepet kujtdo për të mbrojtur interesat publike në Kuvend.
Që me largimin e Ilir Xhakollit nga Parlamenti para 7 vitesh, Pogradeci ishte i papërfaqësuar në Kuvend edhe pse hambarin e votave e ka të madh, e tani, legjislatura e ardhshme i jep zë qytetit Lasgusho-Kutelian në foltore.
Xhakolli do të ketë krahun e tij në qendër dhe dyshja Xhakolli-Çomo, premton që Pogradecin ta kalojnë në fazën përfundimtare të një qyteti të zhvilluar, që forcon turizmin, ekomominë lokale dhe transformon qytetin. Xhakolli e ka treguar i vetëm këtë gjë, e tani me Çomon, djalin që e rriti në parti dhe u bë deputet, Pogradeci e ka të sigurtë hapin e zhvillimit.
Bufiurtë.al
