Pedagogu i universitetit të Korçës, ish studenti i Dhjetorit Artur Adili i është rikthyer edhe njëherë ngjarjeve të protestës studentore të vitit 1990
Mes të tjerave, në kujtimet e tij ai sjell një moment kur Sali Berisha ka shkuar për të takuar studentët ndërsa njëri prej tyre ka ngritur dy gishtat lart por reagimi i Sali Berishës, thotë Adili, ka qënë i menjëhershëm kur ka kërkuar që të ulen gishtat pasi ata kishin simbolin e tyre dhe ka ngritur grushtin lart
“Kishte një episod me Sali Berishën. Ditën e nesërme pasi ndodhi lëvizja dhe rrëmujat, u krijua natën një lloj terrori, studentët hëngrën dru dhe të nesërmen Sali Berisha me pardisy bojequmeshti që nuk prekej, erdhi dhe tha me ka dërguar Ramiz Alia. Në një moment dikush nga studentët, e bën shenjën me dy gishta. Reagoi shumë keq, jo, ç’i keni këto, kemi këtë tonën dhe bëri shenjën e grushtit. Nuk kaloi dy tre javë e ai u bë simboli i demokracisë ”
I zhgënjyer, pedagogu tregon se ajo protestë ende dhe sot nuk ka arritur qëllimin final, për ta bërë Shqipërinë si gjithë Europa, pasi sot sipas tij, ka më tepër komunizëm se në vitin 1990
” Po te shohësh tani, unë them tani ka më shumë komunizëm para se 30 vitesh. Po të shohësh në jetën politike, në gjithë Shqipërinë shumë komuniste. Kush serviloset, të gjitha instructionet kishin shtylla, Tani nuk ekziston asgjë. Jo, nuk e arriti qëllimin. Ndoshta u arrit për momentin, lëvizi makineria e fjetur, po te analizosh, nuk ka arritur asnjë lloj qëllimi ”
Mes kësaj proteste, protagonistët kryesorë nga Korça ishin Niko Kaçiroti, Akli Fundo, Artur Shkëlqimi, Ilir Bajlozi, Helidon Bendo, Peci Plasa, Olsi Jarazi, Olger Molla e plot te tjerë
