Drejtoria Vendore e Policisë Korçë
Specialistët e Sektorit të Qarkullimit Rrugor arrestuan në flagrancë shtetasin Gj. K., 41 vjeç, banues në Korçë, pasi u konstatua duke drejtuar motomjetin, në gjendje të dehur.
Specialistët për Hetimin e Krimeve të Komisariatit të Policisë Devoll referuan materialet në Prokurori, ku filloi procedimi penal për shtetasit Th. M., 60 vjeç, dhe E. M., 24 vjeç, banues në Ponçarë, pasi dyshohet se kanë kanosur 2 shtetas. Gjatë shoqërimit në komisariat, 24-vjeçari nuk i është bindur urdhrit të punonjësve të Policisë.
Specialistët për Hetimin e Krimeve të Komisariatit të Policisë Kolonje referuan materialet në Prokurori, ku filloi procedimi penal për shtetaset L. C., 46 vjeçe, dhe L. Sh., 61 vjeçe, banuese në Starje, pasi dyshohet se janë konfliktuar më njëra-tjetrën, për motive të dobëta.
Specialistët për Hetimin e Krimeve të Komisariatit të Policisë Pogradec referuan materialet në Prokurori, ku filloi procedimi penal për shtetasin T. A., 32 vjeç, banues në Hudënisht, pasi dyshohet se nga pakujdesia ka ndezur zjarr dhe nga përhapja e flakëve është djegur një sipërfaqe toke me bimësi.
Korçë/Më datë 12.07.2025, ka kallëzuar shtetasi Sh. D., 53 vjeç, se i kanë vjedhur disa pajisje elektronike dhe disa bizhuteri, në banesë, gjatë kohës që aty nuk ka patur njeri. Po punohet për identifikimin dhe kapjen e autorit/ve.
Specialistët për Hetimin e Krimeve të DVKM Korçë referuan materialet në Prokurori, ku filloi procedimi penal për shtetasin N. M., 67 vjeç, banues në Vidohovë, për veprën penale “Kontrabanda me mallra të tjera”, pasi u kap duke kaluar në mënyrë të paligjshme, 2 kafshë, në territorin e Greqisë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
