Një 44-vjeçar është arrestuar në flagrancë nga specialistët e Sektorit të Qarkullimit Rrugor në Devoll, pasi u kap duke drejtuar një motomjet pa leje drejtimi.
Ngjarja ka ndodhur në fshatin Pilur të njësisë administrative Hoçisht, ku policia rrugore po kryente kontrolle rutinë në kuadër të masave për rritjen e sigurisë në rrugë.
Shtetasi i arrestuar është identifikuar me inicialet N. B., banues në fshatin Pilur, Devoll. Gjatë verifikimeve të dokumentacionit, rezultoi se ky shtetas nuk posedonte leje drejtimi, duke shkelur kështu rregullat bazë të qarkullimit rrugor.
Policia bën me dije se materiali procedurial në ngarkim të 44-vjeçarit i është referuar Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme në ngarkim të tij.
Ky rast është pjesë e operacionit të policisë për kontrollin e mjeteve dhe motomjeteve që qarkullojnë në rrugët dytësore dhe rurale pa dokumentacion të rregullt
