Drejtoria Vendore e Policisë Korçë
Specialistët e Sektorit të Qarkullimit Rrugor arrestuan nën flagrancë shtetasin J. B., 19 vjeç, banues në Korçë, pasi u kap duke drejtuar automjetin pa leje drejtimi.
Gjithashtu, referuan materialet në Prokurori, ku filloi procedimi penal për shtetasin A. Z., 52 vjeç, banues në fshatin Voskopojë, pasi u kap duke drejtuar automjetin, në gjendje të dehur.
Shërbimet e Komisariatit të Policisë Korçë arrestuan në flagrancë shtetasin A. S., 66 vjeç, banues në Korçë, pasi dyshohet se ka ushtruar dhunë fizike ndaj djalit të tij, i cili u pajis me urdhër mbrojtjeje.
Gjithashtu, referuan materialet në Prokurori, ku filloi procedimi penal për shtetasit:
D. B., 37 vjeç, Dh. L., 36 vjeç, dhe K. L., 21 vjeç, banues në Korçë, pasi kanë goditur me grushta një 47-vjeçar, pas një konflikti për motive të dobëta;
dy 17-vjeçarë, pasi kanë goditur me grushta një 15-vjeçar, pas një konflikti për motive të dobëta.
Shërbimet e Komisariatit të Policisë Maliq arrestuan në flagrancë shtetasin L. Q., 56 vjeç, si dhe proceduan në gjendje të lirë shtetasen N. Q., 73 vjeçe, banues në Vashtmi, pasi dyshohet se 56-vjeçari ka ushtruar dhunë fizike ndaj xhaxhait të tij, pas një konflikti për motive pronësie, dhe 73-vjeçarja ka goditur me send të fortë kunatën e saj.
Gjithashtu, referuan materialet në Prokurori, ku filloi procedimi penal për shtetasin R. M., 59 vjeç, banues në fshatin Zëmblak, pasi dyshohet se ka kryer veprime të turpshme ndaj një 14-vjeçareje.
Materialet procedurale iu referuan Prokurorisë së Korçës, për veprime të mëtejshme.
Devoll / Në vijim të informacionit të dhënë mbrëmjen e djeshme, për shtetasen F. H., 75 vjeçe, e cila ishte larguar nga banesa dhe dyshohej se mund të ishte mbytur për shkak të prezencës së ujit në fshatin Progër, pas kontrolleve të kryera, sot rreth orës 08:30, kjo shtetase është gjetur në dalje të fshatit, në anë të një përroi, pa shenja jete.
Grupi hetimor ndodhet në vendngjarje dhe po kryen veprimet hetimore.
