Në kuadër të projektit HEALTH-CONNECT (TNE23-00059, CUP F91B24000320006), pedagogët e Fakultetit të Bujqësisë, Dr. Aldona Minga dhe Dr. Dorjan Marku, zhvilluan disa takime pune me përfaqësues të Universitetit “Aldo Moro” të Barit, Itali.
Gjatë vizitës, stafi akademik i Universitetit “Fan S. Noli” u përqendrua në hartimin e programeve të reja të studimit dhe kërkimit në fushat e sigurisë ushqimore dhe bujqësisë së qëndrueshme, si dhe në forcimin e bashkëpunimit dypalësh me DISSPA – University of Bari. Ky proces kontribuon drejtpërdrejt në ndërkombëtarizimin e universitetit dhe në rritjen e mundësive akademike për studentët dhe pedagogët.
Më 30 tetor 2025, përfaqësuesit e UNIKO morën pjesë në veprimtarinë shkencore “Best Practices in Agriculture and Food, Security and Safety – Fostering Dialogue with Academic Partners and Stakeholders”, të zhvilluar në BaLab Contamination Lab, ku u diskutuan praktika bashkëkohore në bujqësi, sigurinë ushqimore dhe promovimin e dialogut shkencor midis Shqipërisë dhe Italisë.
Këto veprimtari shënojnë një hap të rëndësishëm drejt thellimit të bashkëpunimit ndërkombëtar dhe krijimit të mundësive të reja për studentët dhe stafin akademik të të dy institucioneve.
