Sot jam duke përjetuar një dhimbje shumë të madhe, të pakrahasueshme me asgjë që mund të kem kaluar në rreth gjysmë shekulli të jetuar në qytetin tim…
Bëhet fjalë për vrasjen, therjen e dy këlyshëve të vegjël rreth një muaj, të lindur nga një qen që rri vërdallë në lagjen time. 😭😭😭😭
Dy këlyshë të bukur që ngjanin më tepër si lodra pellushi😭😭😭 që të kënaqnin syrin e shpirtin kur luanin në lëndinat përreth😭😭😭
Nuk di nëse këta vrasës, këta monstra të pamëshirshëm që egërsinë e ligësinë e tyre e nxjerrin duke masakruar qenushë të pafajshëm, a i zë ligji?! A mund të dënohen për monstruozitetin e tyre nga shteti?
Kurrë s’i kam uruar të keqen e nuk kam mallkuar njeri në botë, por me shpirt uroj që Zoti ta shpaguajë këtë monstër për veprimin e pamëshirshëm që bëri.
Të gjithë ankohemi për qentë e tufat e qenve në rrugë, edhe frikë kemi se mos na sulen e na kafshojnë, por të therësh me gjakftohtësi dy këlyshë nuk besoj se mund të pranohet prej nesh.
Në botë japin lekë për t’i marrë në familjet e tyre qenushat, por te ne i masakrojnë pa mëshirë…
Ju bëj thirrje të merrni masat për të ndryshuar këtë situatë në qytetin tonë ku sot therin këlyshë të pafajshëm e nesër mund të vrasin njerëz. 😭😭😭
Nga Entela Petro
