Rrugët e dëmtuara dhe mungesa e sinjalistikës mbrojtëse po kthehen në shqetësim serioz për qytetarët e Korçës. Në rrjete sociale po shtohen denoncimet për gropa të pambuluara dhe mungesë paralajmërimi në rrugë të banuara, që rrezikojnë jo vetëm automjetet, por edhe këmbësorët.
Këshilltari bashkiak dhe aktivisti, Klajdi Pllaha, përmes një postimi të drejtpërdrejtë ka shprehur indinjatën e tij për situatën:
> “Unë mund të jem nga brezi i fundit i arneve në pantallona. Madje kishim filluar të kishim e pak ndërgjegjësim kapitalist për skamjen dhe arnet i quanim ‘modë’. Po ju keni mbajtur pantallona me arne si rrugët e qytetit tonë?”
Ai ngre gjithashtu shqetësimin për mungesën e sinjalistikës për gropat e hapura:
> “P.S. Vini një dreq sinjalistike kur hapni këto gropat se i lamë gomat rrugëve të qytetit.”
Banorët korçarë kërkojnë ndërhyrje urgjente dhe përgjegjësi nga autoritetet lokale për përmirësimin e infrastrukturës rrugore, si dhe respektim të standardeve të sigurisë gjatë punimeve.
Ky nuk është rasti i parë i raportuar, problematika të ngjashme janë bërë të zakonshme në disa zona të qytetit, duke kthyer indinjatën qytetare në një thirrje të qartë: rrugë të denja për qytetarë të denjë.
