Një bombol gazi ka shpërthyer mëngjesin e sotëm në banesën e një 74-vjeçari në fshatin Pojan, në Maliq.
Ngjarja ka ndodhur rreth orës 06:50. Si pasojë e shpërthimit, shtetasi Th. K. ka pësuar djegie në fytyrë dhe është dërguar në spital për të marrë ndihmë mjekësore.
Sipas informacioneve paraprake, 74-vjeçari ndodhet jashtë rrezikut për jetën.
Grupi hetimor po punon për zbardhjen e plotë të rrethanave të ngjarjes.
