Drejtoria Vendore e Policisë Korçë
Specialistët për Hetimin e Krimeve në Komisariatin e Policisë Korçë, arrestuan në flagrancë shtetasen Elena Salla 30 vjeçe, banuese në Korçë, pasi dyshohet se ka ushtruar dhunë ndaj nënës së saj.
Gjithashtu referuan materialet në Prokurori, ku filloi procedimi penal për shtetasin G. Xh., 32 vjeç, banues në Kukës, pasi dyshohet se ka kërcënuar, nëpërmjet telefonit një 36-vjeçare, për motive të dobëta.
Specialistët për Hetimin e Narkotikëve referuan materialet në Prokurori, ku filloi procedimi penal për shtetasin A. B., 32 vjeç banues në Korçë, pasi gjatë kontrollit fizik të bërë, iu gjet dhe u sekuestrua një sasi lënde narkotike e dyshuar kanabis.
Specialistët për Hetimin e Krimeve Ekonomike dhe Financiare referuan materialet në Prokurori, ku filloi procedimi penal për shtetasit A. M., 28 vjeç, dhe L. Q., 43 vjeçe, banues në Korçë, pasi gjatë kontrollit të ushtruar në subjektet e tyre farmaci që këta shtetas administronin, u gjetën dhe u sekuestruan, një sasi medikamentesh të dyshuara të futura kontrabandë nga Greqia.
Specialistët për Hetimin e Krimeve në Komisariatin e Policisë Maliq, referuan materialet në Prokurori, ku filloi procedimi penal për shtetasin G. P. 30 vjeç, banues në Mesmal, pasi u kap duke transportuar 8 m³ lëndë drusore të prerë në kundërshtim me ligjin. Lënda drusore u sekuestrua në cilësinë e provës materiale.
Specialistët për Hetimin e Krimeve në Komisariatin e Policisë Pogradec, referuan materialet në Prokurori ku filloi procedimi penal dhe shpallën në kërkim shtetasin Sh. B., 46 vjeç, banues në Laktesh, pasi dyshohet se ka vjedhur disa pajisje elektronike, në një kantier ndërtimi.
Specialistët për Hetimin e Krimeve në Komisariatin e Policisë Kolonjë referuan materialet në Prokurori, ku filloi procedimi penal për shtetasin B. R., 47 vjeç, banues në Tiranë, pasi dyshohet se i ka dëmtuar një sipërfaqe të mbjellë me vreshtari një 63-vjeçari.
Materialet procedurale i kaluan Prokurorisë, për veprime të mëtejshme.
